Deus é nha razon di vivi pamo El é nha vida! 

Palavra ta fla pa nu ama Deus assima di tudo. 

TUDO ker dizer familia, amigos, parodias, i principalmente dinhero i vida boa. Ama Deus mas ki bus sonhos i bus talentos. Mo ki bu ta fazi kela? 
Procura Deus como bu Pai, como bu maior necessidade i dedica bu vida a El i Sí propósito ku bu vida. 
Talento ki bu tem? Deus ki dau. Ar ki bu ta respira? Deus ki dau. Cumida ki bu ta cumi i ropa ki bu ta bisti? Deus ki dau. Tudo kuzas ki bu tem bazofaria kuel, Deus ta trau el si ka ta agradal i glorifica Si nomi. 
Analiza bu vida i odja pamo ki inda bu ka sta feliz, “realizado” i ta xinti ma bu sta trancado na un braco sem kau bai. 

Versiklus: 

Juan 1:3 – “Tudo kuza fazedu i atravez d’El  tudu existi. Sem El (Jesus) nada ki fazedo ka ta serba.”

Exodus 20:3 – “Ka bu adora otu deuses; adora só Mi.”

Mateus 22:37 – “Jesus rispondi – ama Sinhor, bu Deus, ku tudo bu corason, ku tudo bu alma i ku tudo bu menti.”  
 

Orason 🙏🏾:

Pai Santo, Pai amado. Obrigada pa tudo bensons ki Bu dan. Obrigada pa ar km ta respira. Obrigada ki nunka Bu ka dexa falta pon di cada dia. Nha pedido é ki Bu fortaleci nha corason, nha alma i nha ser pa nunka n’ka honra nem adora nada assima di Bo. É só atravez di força di Bu Santo Espirito ki n’ta podi fazi isso. N’ta ora i pidi na nomi di Jesus. – Amen!